Leiter & Küchenchefs

Larissa Cadeddu
Hooi zemee
Ich bin d Larissa, chume fu tegerfelde & bin mega happy dasi das Jahr wider def als Leiterin im Hela debii sii. S Lager wird ganz sicher wider mega mega cool (wie immer) & s wórd für eus alli nochli cooler werde wenn du au debii wersch! LOOS AMELDE & bis im Herbst 🙂

Lenya Cadeddu
Oh, du au da? Säääälü☝🏼 Ich bin d Lenya, wenn mir eus xehnd scho 20i und usm wunderhübsche Tegerfelde. Ich schaffe als Autosattlerin, was mir ganz viel Freud macht. Abxeh vo mim Bruef hani gern Musig, bastle, Chartespiili spiele und verusse sii. Hesch mindestens eine vo dene Sache genau so gern wie ich? Denn vertrau mer; im Hela isch das alles no viel kuuler als dehei! Meld di doch aa, chum mit eus mit ines unvergesslichs Lager und erleb e mEEEEEEEga cooli und abentür-riichi Wuche!! Mer xeht sich im Lager, ich verlah mich druf! Bis denn!!!!!!

Fabio Exer
Hoi zemme ich bin de Fabio 🙂 Ich ben das Jahr s dritt mal als Leiter debi, und wenni d jahr als chind au mit zähl gangi das mal zum 11 mal und freu mich immer na genauso wie bim irschte mal. Ich bin 19i und wohne in Endinge. Ich schaffe als Schriner. I minere Freizit bini sehr gern im Kampfsport training oder im Turnverrein. Ich freu mich uf euch.

Liv Exer
Hoiiiii
Ich bin d Liv, bin 20i und scho s vierte Mal als Leiterin debii. I minere Freiziit bin ich eigentlich immer am Ritte und mängisch au am Töfffahre. Freusch di au scho s ganze Jahr ufs Hela? Ja? Denn meld dich aa! Also demfall bis im Herbst:)

Celine Keller
Hoihoi, ich bin d Celine 21gi und wohne in Ändige. Ih minere Freiziit dueni mega gern
Handball spiele und Fründe treffe. Ahh und natürli is Hela go… wenn au duu ehh unvergässlichi Wuche wotsch erläbe, denn meld dich doch grad ah und chum im Herbst mit is Hela. Bis glii 🙂

Maurus Keller
Hoooihoi! Ich bin de Maurus, 23gi und chume us Ändige. Ich spiele Handball, gange gern in Turnverein und leite ide Jugi vom TV Endinge. Au is HELA gangi scho uuuuuuuuhhhh mega lang. Will die letschte 14 Mol au scho superobermegafantastischbombastisch gsi sind, chani dir verspreche dass au das Jahr unvergesslich wird! Wenn du au mal wieder wetsch ganz heftig ide Disco abgooh oder Dreck bis id Unterhose haa, denn meld dich jetzt grad ah! Am beste lüütisch na 28.5 Fründe oder Fründinne ah und seisch dass sie au müend. Freu mich uf euch! Tschöö mit ö und bis spötistens im Lager!

Joel Keller
Hoi Zäme do esch de Schubi
Ich bin 19ii und usem schöne Ändige. Ich schaffe als Strassenbauer und wenni mol ned am Schaffe bin, bini am Handball spiele oder am Turne im Turnverein. Aber s wichtigste döff mer notürlich ned vergesse mis grösste Hobby esch es bombastischs Lager für euch uf bei Stelle. Also meld di doch au ah Dankeund bis im Lager 🙂

Lukas Kramer
Salli mit Hand
Bin de Stucki oder au de Kramer oder au de Lukas, Bi 23gi und wird das jahr no 24gi
I minere freiziit spiel ich gern Handball oder due d jugi vo Endige Leite. Bin jetzt scho paar Jöhrli im Hela debii und freu mi immer wieder Hoffe mir gseht sich au das Jahr bis glii

Nina Kramer
hoiii duuu! : – ))
ueppa, scho glii isch es wieder so wiit und eh abentürlichi Herbstwuchee mit unvergessliche Erinnerige wartet uf euch ; ) ich bin d Nina, ghöre scho nümm zu de teenys und wohne in Endige, villi kennet mich jah scho soo, uf was wartisch denn naaah?! Meld diich und dini gschwüsteri/fründe schnell ah und chumm mit is Laaager!! ich freu mich uf jede vu euch, mer gseht sich am Treffpunkt, bis denn!

Soraya Müller
Hoi zäme
Ich bi d Soraya, 23gi und chume us em wunderschöne Tegerfelde. Wenn ich min perfekte Tag müesst beschriebe, würd de so usgseeh: Am Morge vo de Chüe uf de Weid gweckt werde denn gstärkt mit emene feine Zmorge is Gländgame starte. Det dueni denn es paar Räuber abehaue (und vilicht wird au mol bschisse und es Bätzeli klaut), und denn gits vilicht ja scho Zmittag. Am Nomitag machemer Old School Games (au det findet mer eventuelle wieder en Weg zum chli bschisse) und denn gits es fetts Znacht! Am Obig wird natürlich gfiiret, klar. Scho vo de legendäre Hela- Disco ghört? Und am Schluss, fixfertig is Bett gheie & vom nöchste Hela-Tag träume. Entspricht au das dim ideale Tag? Denn meld di jetzt ah und denn gsemmer eus im Herbst!

Bryan Reuper
Heyyy Hoooiii du kuuhli Socke 😉 Ich bin de Bryan mengish au de Dömpi . Wohne jetzt in
Endige (Tegerfelde isch aber immerno schöner 🙂 , bin 24gii und en luschtige typ. I miner Freizit unternimm ich viel sache mit mine Gspäändli. Schaffe dueni im Ushueb und
Abbruch teilwiis au chli Lashtwägele. Als Leiter bini ezt sho paar mal debii gsii und es ish immer super kuuhl , drum würi mi freue wenn au du das Jahr debi bisch und die hammer Wuche mit erlebsch. Grüesslii mir gsend eus im Lager 🙂 Na eppis wichtigs du dervsh ja ned fehle 😦 !!!

Jana Rub
Hoiiii ich bin d Jana, 17ni und das Johr s’erste mal im Hela als Leiterin debi. I minere Freizit spiele ich gern Volleyball und gange is Ringturne in Endinge. Wie jedes Johr wirds Hela wieder megaaa cool und ich würd mich riesig freue, wenn au du debiii bisch.

Andrina Schleuniger
Ollaaa
Ich bin d Andrina, 22i ond wohne in Endige. Schaffe als Malerin ond spiele Volleyball. Ich han u gern bunti Socke ond Gummientli fendi au sehr läss. Ben scho so lang im Hela debi, dass mini Finger nöm zum zähle langed. Mit all dene tolle Leiter und TNs werd jedes Hela unvergesslich. Wörd mich freue wen au du Teil vo dem Ganze wersch. Bis glii

Thierry Schleuniger
Hoi zämme
Ich bin de Thierry, 24 Jahr alt und wohne in Tegerfelde. Ich schaffe in Döttige ade Schuel und goh gli go studiere. Ide freizit spili gern Volleyball, due Wandere und spile gern am PC. Ich bin scho ganz lang im HELA debi und bin mer ganz fest sicher das mehr es hammermässigs Lager werdet ha. Ich freu mich uf euch und bis bald.

Fynn Schwaller
Hoiiiii ich bin de Fynn und bin 18i. Ich chume us em wunderschöne Ändige und chume das Jahr scho zum 10 mal mit is Hela. Wotsch au du super geili, mega cooli, ober tolli Herbstferie verbringe, denn chum doch mit eus is Hela.

Gino Senn
Hallo zusammen! Mein Name ist Gino und ich bin seit 2013 im Hela dabei. Ich freue mich riesig, dieses Jahr wieder mit euch im Lager zu sein. Hier geht es darum, draussen zu sein, sich im Dreck zu wälzen und jede Menge tolle Erlebnisse mit Freunden zu sammeln.
Wir werden gemeinsam Abenteuer erleben, viel lachen und unvergessliche Momente teilen. Ich kann es kaum erwarten, mit euch die Natur zu erkunden und neue Freundschaften zu schliessen. Lasst uns zusammen eine grossartige Zeit haben!

Niels Spuler
Sali zämme ich bins de Niels und bin wänn er mich wider gsänd 24gi. Ich chume usem wunderschöne Ändige. Ich bin das Johr 8te mol als Leiter debie und würd mich riesig freue, wänn au du mit cho wörsch. Zur Ziit bin ich als Schriener am büeze. Wänn ich ned grad am büeze bin, bin ich meistens öpis mit mine Kollege am mache.
Demfall gseht mer sich im Lager, ade merci.

Leandra Utiger
Hoii zäme, ich ben d Leandra, 17ni und wohne in Ändige. Ich freu mi risig das Jahr serste mal als Leiterin debi dsi. Ich gah momentan ad Kanti und i miner Freizit spiel ich Volleyball, turne und im Winter bin ich am liebste uf de Piste am Skifahre oder Snowboarde. Chom doch au mit is Lager, wel es wird weder mega lässig! Bis im Hela!

Aline Walder
Hallo Mitenand
Ich bin d Aline und das Johr s 4te Johr als Leiterin im Hela debi! Wenn du au wettsch mit dine Friends e mega tolli und actionriichi Woche verbringe, denn meld dich fürs HELA ah! Ich freu mich uf dich! Bis bald im HELA !!!

Simon Wenzinger
Hoi zäme
Ich be Simon, 23 Johr alt und scho set emene Ziitli debi. Au das Johr beni wieder voller Energie und Tatedrang im Lager met debi. Ich würd mich freue eh cooli Wuche voller Spieli meht der z verbinge. Jez sägi tschüss und bis bald im Lager.

Oliva Wiedemeier
Sali zämme
Ich bin d Olivia, bin 23i ond scho uuuuuuuuu mega lang im Hela debii. Mini Hobbys sind Pflanze güsse, Skischue sammle ond löcher oh mini Söcke mache. Ich freu mi scho riiiiisig ufs Lager und vorallem, dass du debii bisch.

Mayara Zimmermann
Hoi zäme! Ich bi d Mayara
Ich bi 19 Jahr alt und chume us Tägerfälde. Das isch scho mis dritt Jahr als Leiterin und insgesamt sogar mis 11. Lager – und jedes isch e Highlight für sich! In minere Freizit spieli gärn Volleyball, zeichne sehr gern und bi au als Jugi-Leiterin in Tägerfälde.
Ich freu mi riesig uf s Hela – und würd mi natürlich no meh freue, wenn DU au debi bisch!

KÜCHE
Hooip Zäme
Mir sind d Bianca ,Sämi, Klöter ond de Jerome
Mir händ das Johr di grosse ufgab zum im diesjöhrige Hela dörfe go choche cho. Eusi lieblingsfarb isch Rüebliorange, Tomaterot, Zuccinigrüen ond Schwarz aber kei Angst das bezieht sich ned ufs ässe. Dänn Zäme luege mer, dass ehr feins, usgwognis und nahrhafts Ässe bechömed, wo eu Chraft für all Gländegames, Wanderige und Discoabige inklusive em Lawinetanz gänd. Meld di hüt na aa & mer verspreched, mer choched besser wie mer usgsänd.